Umræðuefni

Rittækni í stað munnlegrar geymdar

• Hvað ætli sé langt síðan mannfólkið fann upp þá tækni að skrifa bækur og gat falið bókinni að varðveita fróðleik í stað þess að treysta á minni sitt?

• Hvaða kosti hafði það í för með sér að treysta bókum fyrir fróðleik fremur en lifandi fólki? Fylgdu því einhverjir ókostir?

• Hvað ætli hafi legið mest á að festa á bók? Hafið í huga að sumir textar þurfa að varðveitast óbrenglaðri en aðrir.

• Íslendingar notuðu fyrst karólínskt letur sem líkist því latneska sem við notum nú. Þekkið þið önnur leturtákn?

Ný tækni, ný menntun

• Hvaða menntun þurfti fólk að öðlast til að geta nýtt sér eða búið til bækur?

• Á hvaða tungumáli var skrifað? Var skrifað á fleira en einu tungumáli? Voru til einhverjar stafsetningarreglur?