Sagnanetið - Grettissaga
Nemendur fari á Sagnanetið og finni fjölda handrita tiltekinna fornsagna og frá hvaða tíma þau eru. Í síðari hluta fyrirmælanna hér á eftir er miðað við Grettis sögu.
Í tölvunni kemur fram safnmark, titill/upphaf og lengd (gefur vísbendingu um hvort handrit er varðveitt í broti eða er heilt). Skoðið t.d. þýðingu af sögunni, s.s. þýska þýðingu (PT7269.G7 G5) neðarlega í yfirlitinu sem var prentuð undir lok 19. aldar. Smellið á titil sögunnar ekki safnmark. Þá fáið þið upp fyrstu síðu bókarinnar og getið svo flett henni með því að smella á tölurnar neðst í hægra horninu. Plústölur merkja áfram en mínustölur aftur á bak. Takið eftir leturgerðinni á bókinni.
B. Svarið eftirfarandi spurningum:
Hvað er sagan varðveitt í mörgum handritum?
Titlar sögunnar eru mismunandi eftir handritum. Finnið alla titla sögunnar og skráðið niður. Af hverju ætli titlar sögunnar séu mismunandi?
Frá hvaða tíma er elsta handrit sögunnar?
Er spássíukrot í handritinu?
Texta Grettis sögu má finna á Netútgáfunni.
Til kennarans
Nota má Sagnanetið til að vinna fleiri handritaverkefni af þessum toga tengdum öðrum Íslendinga sögum. Til að komast í leitarkerfið er best að smella á krækjuna samræmdir titlar efst á síðunni og velja aðra sögu .
© LogS
Prentað af fræðsluvefnum Handritin heima