 Prentvæn útgáfa
Þemaverkefni
Frásagnarformúlur í sögum
Til kennarans
Kynna má frásagnarformúlur, t.d. frásagnarliði ævintýra (Propp), og hvernig regluleg niðurröðun þeirra hjálpar til við varðveislu frásagna í munnlegri geymd. Sýnt hefur verið fram á að þjálfað sagnafólk getur munað og flutt æði langar frásagnir með þessari tækni. Frásagnarformúlur geta bæði átt við um munnlegar og ritaðar frásagnir. Með verkefnum eru nemendur fyrst þjálfaðir í greiningu frásagnarliða í skrifaðri sögu, því næst látnir fylla upp í formið með eigin ritun en að síðustu eiga þeir að athuga hvort formgerð sagna í myndmiðli geti einnig lotið sömu lögmálum, þ.e. raðast eftir kerfi Propps.
Umræðuefni
Oft fjalla sögur um sammannlega reynslu sem höfðar til fólks á ólíkum tímum, svo sem togstreitu milli réttrar breytni samkvæmt kröfum samfélagsins annars vegar og eigin óska eða vilja hins vegar.
Þemaverkefni
Skipta má bekknum í hópa sem ýmist vinna eitt eða öll verkefnin. Nauðsynlegt er að byrja á innlögn með því að kynna frásagnarliði Propps og nota greiningu á Búkollu sem dæmi. Brýna þarf fyrir nemendum að sjaldnast komi allir frásagnarliðir fyrir í einni sögu. Sagan af Rauðhettu gæti legið til grundvallar 1. lið verkefnisins. Í 2. lið þarf hópurinn að koma sér saman um söguþráð og helstu persónur en sagan mætti gerast í samtímanum og vera frásögn af reynsluheimi nemenda.
-
Greinið söguna af Rauðhettu skv. frásagnarliðum Propps.
-
Búið til sögu sem fylgir formi Propps.
-
Notið frásagnaliði Propps til að greina bíómyndir, t.d. Pirates of the Caribian eða Disney-myndir á borð við Aladdin eða Fríðu og dýrið
Smellið hér til að skoða ævintýramynstur Propps >>
Smellið hér til að skoða greiningu ævintýra >>
|
