Umræðuefni

Frásagnir fyrir börn

• Voru til þrautir og gátur fyrir börn? Kunnið þið einhverjar gátur frá því þið voruð lítil?
  

• Frásagnir af Grýlu og öðrum ókindum eru af gömlum toga. Hvaða hlutverki haldið þið að þær hafi gegnt í barnauppeldi?
  

• Í hvaða tilgangi ætli fólk hafi farið með þulur og vísur fyrir börn?
  

• Ætli til hafi verið sérstakar sögubækur fyrir börn?
  

• Hvernig bækur ætli hafi verið notaðar í lestrar- og skriftarkennslu?

Til kennarans
Nefna má að frásagnir af Úlfhami voru til í rímum en úr efni þeirra var síðan skráð saga, Úlfhams saga, sem ætluð var börnum. Einnig má kynna eina elstu varðveittu barnavísuna;

Eina kann eg vísu,
Ari sat á steini.
Aðra kann eg vísu.
Ari sat á steini.
Öll er sem ein sé,
Ari sat á steini.

Nokkrar bækur með gömlum barnavísum hafa verið gefnar út á síðustu árum:
Gamlar vísur handa nýjum börnum frá 1994
Fleiri gamlar vísur handa nýjum börnum frá 1995

Barnagælur er einnig að finna á geisladiskinum Raddir, sumar þeirra eru endurfluttar á Rímur og rapp, s.s. barnagælurnar Farðu að sofa fyrir mig og Kalt er litlu lummunum í flutningi Ásu Ketilsdóttur kvæðakonu.